Mifaramparana indray ity ny taona, betsaka ny fitohanan’ny fiara amin’ny faritra maro.  Miezaka miala izany ireo mpamily ka manararaotra mandeha mafy rehefa malalaka ny lalana satria maika hamonjy fotoana ka mety hitera-doza anefa izany indraindray. Toy ity tovovavy iray 31 nitondra fiara Hyundai Atos nandona zazavavy kely vao 6 taona monja teny 67 ha atsimo, teo akaikin’ny fiantsonan’ny zotra 30,  tamin’ny alarobia 3 novambra 2016 lasa teo, tokony ho tamin’ny 3 ora tolakandro. Niampita tampoka avy ao amin’ny ankavanan-dalana io zaza io ka tsy tafajanona intsony ilay fiara ary nahavoadona azy. Vokany, naratra mafy tokoa ilay zaza ka nentina haingana teny amin’ny Hjra. Indrisy anefa fa tsy tana intsony ny ainy rehefa tonga teny noho ny fahaverezan-dra be loatra.  Nanao ny fandinihana ny tranga niseho teny an-toerana ny mpitandro filaminana ka taorian’izay dia nentina notazomina ao amin’ny borigadin’ny zandarimaria ao Betongolo, ilay tovovavy nahavanon-doza sy ny fiarany. Na misy aza ny fahatokisan-tena sy ny fahamaikana dia tokony hiezaka hitandrina hatrany ireo mpamily satria ny tampoka tsy maha lehilahy.