Fianakaviana maro no traboina noho ny haintrano nitranga tao amin’ny fokontany Tsinengea Toliara omaly alarobia. Levona tsy nisy noraisina avokoa ireo trano main’ny afo. Niezaka nanao izay azony atao ihany ny fokonolona mandra-pahatongan’ny mpamono afo avy amin’ny seranam-piaramanidina fa tsy voafehy ny afo. Na izany aza, soa fa voasakana ihany ny loza ka mba tsy nihitatra tamin’ny trano manodidina. Trano hazo avokoa ny ankamaroan’ny trano any an-toerana, ary iaraha-mahalala ihany koa ny fisian’ny rivotra miaraka amin’ny hafanana. Raha sanatria ka tsy voafehy ny afo dia vao mainka zava-doza no nitranga fa tsy maintsy nahazo vahana ny afo ary saika zava-doza no niseho.  Tena nanao ezaka tokoa ny rehetra niara-nientana namono ny afo saingy kila tanteraka ilay trano, tsy nisy koa ny aina nafoy.