Raha zohina fohy dia azo lazaina fa ny volana oktobra sy ity novambra ity no tena fotoana nampirongatra ny tsy fandriam-pahalemana be indrindra miseho manerana ny nosy. Vao tamin’ity herinandro ity  dia tovolahy kely iray no matin’ny dahalo mpangalatra omby tao amin’ny fokotany Marovovontany, kaominina Talatan’Ampano, distrika Vohibato. Setrin’izany dia dahalo efatra kosa no matin’ny fokonolona taorian’ny fanarahan-dia ka omby 9 no tafaverina amin’ny tompony. Tonga nitsapa alahelo ny fianakavian’ilay tovolahy kely maty moa ny solombavam-bahoaka avy any an-toerana ka nandritra izay ihany koa no nilazany fa “tsy maintsy vonoina avy hatrany izay dahalo tratra rehefa tsy vonona hiaro ny vahoaka ny mpitondra”, raha ny loharanom-baovao avy any an-toerana ihany.

S.A