Misy ny lalàna saingy sarintsariny fotsiny ny fampiharana izany amin’izao vanim-potoana ankehitriny izao. Tsy atahoran’ny olona intsony izay sazy mety hihatra aorian’ny fandikana lalana. Misongadina indrindra amin’izany ny fitsaram-bahoaka. Fandatsahana aina ny famaritan’ny maro ity voambolana ity. Izany indrindra no saika nihatra tamin’ny renim-pianakaviana iray izay tratra ngala-jaza teny Alasora. Novonoin’ny olona izy io taorian’ny fahatratrarana azy nangalatra zanak’olona nilalao teny an-toerana. Somary nanao fihetsika nampiahiahy ny tenany ka teo no nisamboran’ny fokonolona azy, araka ny loharanom-baovao. Nalain’ny mpitandro filaminana ny tenany taorian’izany ary nentina hotsaboina sy hatao famotorana