Ankehitriny dia lasa maro ary tsy mifidy taona intsony fa na lehibe na kely dia voan’ny homamiadana avokoa. Ramatoa iray indray izao no mitady fanampiana faran’izay maika avy amin’ireo malala-tanana sy terem-panahy. Voan’ny homamiadan’ny tsinay be io ramatoa io ka mitarika ny tsy fahafahany manao maloto intsony. Nesorina mantsy ny lava-pitombenan’ilay ramatoa antsoina hoe Claudia satria efa tonga any amin’ny sehatr’aretina avo indrindra ilay homamiadana. Tsy maintsy navoaka teo amin’ny kibony noho izany ny tsinay mamoaka maloto. Mila vola an-tapitrisany maro anefa mba hahafahana manohy ny fitsaboana satria dia efa tsindrona manala fanaintainana sisa no atao aminy. Lot IG 067 Ambalavao Isotry akaikin’ny Fokontany no misy ity ramatoa ity. Iangaviana mba hanantona io tokantrano io na hiantso ny laharana finday 0336713120, izay terem-panahy hitondra fanampiana. Raha toa ka sarotra hita ny lalana dia azo atao ihany koa ny miantso ny laharana 0331433371 izay an’ny reniny, mpivarotra fanalahidy eo amin’ny manodidina ihany. Nilaozam-bady  izy ary mipetraka ao amin’ny fianakaviany miaraka amin’ny zanany roa.

Ra Tax.