Ny fahadiovana no fototry ny fahasalamana. Vaindohan-draharahan’ny tanora Hvm ny mitady izay fomba hanampiana ny mpiray tanindrazana amin’izany. Nosokafana nanomboka tany amin’ny boriboritany voalohany ny hetsika tamin’ity taona 2017 ity dia ny boriboritany faharoa indray no nanohizana izany omaly ka ny tao amin’ny fokontany Ambohitsoa indray no nisitraka izany fanomezana izany. Araka izany dia renim-pianakaviana maherin’ny dimampolo no nisitraka fitaovana entina manadio ( siny sy koveta). Mitana anjara toerana lehibe amin’ny fampandrosoana ny firenena tokoa ny renim-pianakaviana hoy ny filohan’ny tanora hvm Zoky Andry satria miantomboka ao amin’ny ankohonana ny fampandrosoana ny firenena ary ny renim-pianakaviana no anisan’ny mitarika ny ankohonana mba hadio, na ara-tsaina io na ara-batana. Misokatra ho an’ireo namana rehetra te handray anjara sy te hampandroso ny firenena ny tanora hvm, ary hisy hetsika lehibe hatao’izy ireo amin’ny faran’ny volana janoary izao.

Mamisolo