Tsy eto Antananarivo irery no mijaly amin’ny jiro sy rano fa saika manerana ny Nosy. Eo aloha ny tsy fiavian’ny orana ka ritra ireo renirano lehibe amokarana herinaratra. Eo koa ny olana eo anivon’ny jiro sy rano efa misy hatramin’izay, izay tsy ahitan’ny fitondram-panjakana vahaolana. Misedra izany indrindra ny mponina any Marovoay ankehitriny ka mikasa ny hiroso amin’ny fitokonana. Araka ny vaovao voaray avy any an-toerana dia efa ho herinandro izay no tapaka ny jiro sy rano ao an-tampon-tanàna. Mitondra fahasahiranana goavana amin’ny filana andavanandron’ny mponina izany satria voatery mividy rano amin’ireo olona izay manana vovo ny sasany, izay mahatratra 100Ariary ny iray siny. Tsy maharaka ihany anefa satria ireo vovo vitsivitsy no mamatsy ny mponina rehetra ao an-tanàna sady maloto rehefa akana elaela. Eo anatrehan’izany,  manomboka miakatra ny feo amin’ny firosoana hanao fitokonana. Na eo aza anefa izany fahatapahan’ny jiro sy rano izany, manamafy ny olana efa misy ny fanimbana ny fotodrafitrasa ka mila mitandrina ny rehetra amin’ireny fananana iombonana ireny manolona ny tendrom-po tsy mba namana.

Farah