Ny loza sy ny mpangalatra dia mitovy tsy misy valaka satria tsy mba mampiomana izany rehefa ho avy. Toy ny olona mailo amin’ny fandriam-pahalemana ao an-tokatrano ihany noho izany ny olona mandeha na ny mpitondra ireny fiara ireny satria tsy fantatra mihitsy izay mety hahazo azy eny an-dalana eny. Omaly izao dia nitrangana lozam-pifamoivoizana nahatsiravina teny amin’ny fokontany Antsahorana, kaominina Ambohimalaza ary mbola vokatry ny tsy fitandremana ihany no nahatonga izany. Raha ny vaovao azo dia fiara vao avy novidiana io niharan’ny loza ka nifatratra tany anaty hantsana io. Nitaona vato hanaovana trano, niala avy ao amin’io toerana voalaza teo ambony io ilay fiara izay sambany vao nampiasaina. Tsy fantatra anefa izay nahazo ilay mpamily na ilay fiara fa dia tany ankady vao nijanona. Potipotika ny fiara satria dia metatra maromaro niala ny arabe mihitsy no nifatrarany. Naratra vokatr’izany ilay tovolahy iray irakiraka amin’ity fiara ity ary efa tsaboina ao amin’ny hopitalibe ao Besopaka-Sambava. Ilay mpamily kosa dia mbola karohina satria tsy hita izay nanjavonany ary tsy hay na maty na velona.

Ra Tax.