Eo amin’ny faha-18 ny volana eo matetika no mivoaka ny karaman’ny mpiasam-panjakana. Hataraina ny an’ny rehetra izay tonga nilahatra teny amin’ny fizaram-bola eny amin’ny Banky fa efa ho faha-23 ny volana ny andro nefa mbola tsy tafiditra any foana ny karaman’izy ireo. Ka zary lasa toa vazivavy ny rehetra hoe delestazy koa ny karama. Raha ny eto an-drenivohitra aza moa no toa izany dia azo eritreretina ve ny manjo ireo mpiasam-panjakana any amin’ny faritany izay tsy mandray karama raha tsy isaka ny 3 volana farafahakeliny.  Ny fanjakana izay vao tsy ela akory izany no nandany vola 5 miliara amin’ny fandefasana ny Can na ny tompondakan’i Afrika amin’ny baolina kitra amin’ny fahitalavi-pirenena. Efa manomboka mampiaka-peo sahady ny mpiasa eny anivon’ny birao rehetra. Raha vao manomboka moa ny taona dia efa tsy misy sahady ny handoavana karama nefa rahoviana vao ho tapitra ny 12 volana ?

S.A