Raikitra ny ady teo amin’ny depiote Zoky Vonjy izay mpanao lalàna moa sy ny Ben’ny Tanàna “Magistrat de la Ville”. Adin’ny samy lehibe tao an-tanànan’i Sambava tao amin’ny Gare Routière Ambodisatrana. Mpanao Gazety iray ihany koa no voakasi-tanàna tao anatin’ity ady ity.  Ny lefitry ny Ben’ny tanàna no namelaka azy tehamaina  teo am-panaovana ny asany raha ny vaovao azo avy any an-toerana.  Fako miangona ao amin’ny tsenan’ny Gare Routière an’Ambodisatrana no fototry ny ady. Raha ny nambaran’ity Ben’ny Tanàna ity dia “maro ny olon-tsotra manao zavatra ao an-tanàna nefa tsy miera aminy”. Ny  depiote voafidy tao an-toerana kosa dia namaly “maloto ao bazary ary mantsina ka raha nangataka fanampiana tamiko ireo tao amin’ny gare routiere dia tsy nandrasako ela izany ka izao hitantsika nadio izao”, raha ny nambarany.  Raha ny zava-misy kosa anefa dia tsy hita izay hodisoana satria ny olon-tsotra rehetra samy afaka manao asa fanasoavana avokoa.

S.A