Tovovavy vao 16 taona no  niharan’ny fanolanana ny faran’ny herinandro lasa teo iny. Mody niainga tamin’ny fakana sary sy ny fanaovana facebook no niantombohan’ny tantara izay tsy iza fa anadahiny, izay zanak’olona iraitampo aminy ihany no nanolana azy. Taorian’izay no nanaparan’ilay tovolahy ny filàny, izay efa nitsiry tamin’io tovolahy io efa hatramin’ny ela fa tamin’ny sabotsy heriny androany vao tena notanterahiny.  Tsy tao an-trano ny ray aman-drenin’ity tovovavy ity fa niasa ka izy irery no tao an-trano ka notongavany tao. Tsy sahy nitantara ny zavatra nihatra taminy io tovovavy io fa izy efa nitaraina ho naharary vao nilaza ny marina rehetra tamin’ny ray aman-dreniny. Taorian’ny fizahana nataon’ny dokotera taminy no nahitana fa  voaolana izy. Raha ny loharanom-baovao azo moa dia novitaina tamin’ny raharaham-pianakaviana fotsiny ny raharaha fa tsy nitory ny ray aman-drenin’ny voaolana.

S.A