Raha mbola malagasy dia ny fifanampiana sy ny fitiavana indrindra fa amin’ireo mpiray tanindrazana no zava-dehibe. Mampanontany tena noho izany ny momba ireo mpitondra antsika ankehitriny sa kosa minia mikipy fotsiny manoloana ny olana goavana sedrain’ny mpiray tanindrazana aminy. Maro mantsy ireo olona mila fanampiana amin’izy ireo izay tsy hitany na fantatr’izy ireo akory. Anisan’ny Malagasy mitady fanampiana maika izao ity zazavavy iray izay tratran’ny homamiadana izay tsy mitsaha-mitombo ity. Mivonto ary tena ngeza tokoa ny tanany roa sy ny eo amin’ny faritry ny nonony. Mahakivy ny mijery azy ary efa amam-bolana maro izy no marary. Vola tsy toko tsy forohana no efa lanin’ny ray aman-dreniny nefa tsy mbola nahitana fiovana na kely aza. Ankehitriny dia mila rà 8 paosy io marary io raha toa ka efa nampiasa 2 paosy teo aloha. Efa tsy mahinan-kanina ary miha reraka andro aman’alina izy. Mangataka fanampiana noho izany ny fianakaviana na rà izany na vola na fitaovana na koa hiantso ny laharana finday 0332900146 na 0343688939. Rehefa tsy ho avotra ihany ve ny vahoaka Malagasy ry mpitondra tsy aleo izay tena mila vonjy no ampiana ?

Ra Tax.