Tampoka tokoa ny fahafatesana ary tsy mampilaza na mampiomana rehefa ho avy fa tonga tampoka. Manoloana izany manao ny fisorohana rehetra ny olona rehefa marary ka mamonjy ireny toerana misy karazana fitsaboana ireny. Iray amin’ireny ary tena manan-tantara ny renivohitry ny faritra Vakinankaratra. Tovolahy iray tsy salama avy any Miandrivazo  saika mba hitsabo tena any Antsirabe no namoy ny ainy rehefa tonga teo amin’ny fiantsonan’ny fiara ny alakamisy 09 febroary lasa teo. Araka ny loharanom-baovao dia tsy nisy olona mba nanaraka azy fa izy samy irery no tonga tao. Mampalahelo tokoa ny tranga tahaka izao satria fahasalamana no notadiavina nefa fahafatesana no niseho. Eo no mahatonga ny Malagasy mahatsiaro ho mahery rehefa niala nenina tamin’ny fitsaboana, ka mora ny fialana anaty alahelo. Ity tany Antsirabe ity kosa tsy mba izany fa sady tampoka ho an’ny fianakaviana ny handre ny vaovoa ratsy.

Farah