Tsy mampilaza tokoa ny fahafatesana. Renim-pianakaviana iray efa somary nahazoazo taona, any amin’ny 80 taona mahery any no maty teo amin’ny sisin-dalana omaly folakandrano tamin’ny 4 ora sy sasany tany ho any. Mbola tsy fantatra mazava ny antony nahafaty  azy fa raha ny fijerin’ny manodidina dia mety fihetsehan’aretina na mety fijanonan’ny fo tampoka no nahatonga ny fahafatesany.  Efa ho ora iray taty aoriana ny  razana no teo amoron-dalana.  Tsy nisy nahafantatra izay niaviany sy ny mombamomba azy ary tsy nahitana taratasy nahafantarana ny mahakasika azy teny aminy. Ny hita dia olona mianjaika raha ny fitafy teny ankodiny. Ny mpitandro filaminana nantsoin’ny manodidina no niantso ny tompon’andraikitry ny Bmh naka ny razana.

S.A.