Ny 25 jona tamin’ny 3ora tolakandro teo no nisehoan’izany teo Andranonahoatra, ao an-tampon-tananan’Antsirabe.

Mpivady handeha hody any Ibity no nazeran’ny môtô, ka maty namoy ny ainy tamin’izany ilay renim-pianakaviana. Nandeha mora ihany ity môtô ity araka ny filazan’ny olona fa nigorisa tampoka rehefa tonga teo amin’ny fiolalana manakaiky ny fiantsonan’ny taksibe izay mampitohy Andranonahoatra sy Antsirabe.  Nidona tamin’ny rindrin-tany ary latsaka tao anaty lakan-drano ilay ramatoa. Voadona mafy tamin’izany ihany koa ny lohany na dia nanao aro loha aza izy.  Tsy vitan’izay fa mbola voatsindrin’ilay môtô ny vatany manontolo, raha toa ka kiaka noho ny fikorisana tamin’ny arabe ny tanany sy tongotr’ilay lehilahy vadiny. Noho ny dona mafy nahazo azy ireo dia samy tsy nahatsiaro tena izy mivady. Nentina avy hatrany teny amin’ny hopitaly izy ireo. Saingy namoy ny ainy ny marain’ny 26 jona teo ilay ramatoa rehefa avy niala nenina tao amin’ny efitrano fameloman’aina.  Tamin’ny fanadihadiana natao an’ilay lehilahy dia fanina noho ny fiakaran’ny tosi-dràny tampoka no nahatonga ny loza.

 Laurena Nany