Tsy fantatra na hamamoana na lonilony andavanandro fa tao anatin’ny hafanana tanteraka no namonoan’ity lehilahy ity ny tovolahy iray nandritra ny fampisehoana  an-tsehatra nanomanana ny fetim-pirenena tao Ambatondrazaka. Notsindrominy antsy teo amin’ny tendany dia maty tsy tra-drano ilay tovolahy. Tsy niandry ela anefa ireo mpitandro filaminana tamin’ny fanaovana fanadihadiana ka tratra ilay nahavanon-doza.

Miantso ny vahoaka mba ho mailo hatrany mandritra ireny fampisehoana an-tsehatra ireny ny polisim-pirenena. Tsy vao sambany mantsy fa efa  mateti-pitranga ny toy izao araka ny nambaran’ny loharanom-baovao. Nandritra ny lanonana tamin’ny alatsinain’ny paska teo no nahafantarana  fa namoizana ain’olona farany tamin’izany.

Nanambara ihany koa ireo mpitandro filaminana fa tsy handefitra mihitsy manoloana ny endrika fanakorontanana tahaka ireny sady mampitandrina ireo olon-dratsy izay mitady hanao fahazarana io asa ratsy io.

Laurena Nany