Omaly maraina be tokony tamin’ny 3ora no nisehoan’izany tao amin’ny fokontany Ambolomadinika ao Toamasina. Mpivaro-tena hamonjy fodiana no nosakanan’ny andiana tovolahy tamin’ny kihon-dalana hiditra amin’ny toerana misy ny trano fonenany. Miisa telo izy ireo ary avy hatrany dia nambanan’izy ireto antsy ilay vehivavy sady notakiany vola.

Tsy nitondra vola nody anefa ity tovovavy ity. Nitsotra tamin’ny tahotra izy fa tsy manana vola fa vonona kosa hanaraka ny sitrapon’ireo olon-dratsy raha tsy misy ny fikasihan-tanana. Noraisin’ireo jiolahy ara-bakiteny anefa izany teniny izany ka noteren’izy ireo hanaraka azy ireo ilay mpampanofa vatana. Rehefa tonga tamin’ny toerana fierena ireo dia nanamparan’izy ireo ny filan-dratsiny ka nanaovan’ireo firaisana ara-nofo tambabe. Navotsotr’izy telo rehefa vita izay nilana azy. Tamin’ny fitantaran’ilay lasibatra dia tadidiny tsara ny iray amin’ireo jiolahy raha sendra azy.

Manoloana ny asa fanendahana miseho lany ao amin’io fokontany io dia lasa faritra mena ny lalana Ambolomadinika amin’izao fotoana izao. Araka ny loharanom-baovao avy any an-toerana dia raim-pianakaviana iray no lasibatry ny olon-dratsy amin’ny andro antoandro sy be olona ny faran’ny herinandro teo.

 Laurena Nany