Mahatratra 500 any ho any ny olona niharan’ny fisolokiana nataon’ny orinasa Jk group raha tao Mahajanga fontsiny no asiana teny. Nametraka fitoriana teny amin’ny tambazotra miaro ny zon’ny mpanjifa  izy ireo raha vao nahatsikaritra fa fisolokiana ny fampanantenana nataon’ity orinasa ity.

Rehefa niakatra fampanoavana ny raharaha dia nomen’ny fitsarana ao Mahajanga telo taona hanefana ireo volan’olona ny Jk group. Tsy mbola nisy kosa ny didim-pitsarana nivoaka ahafahan’ireo olona lasibatra tamin’izany maka ny vola eny amin’ny banky. Misy anefa ny resaka mandeha any an-toerana fa misy ny olona efa nahazo ny volany. Anefa ireo olona voasoloky tany an-drenivohitra ihany io efa nahazo ny ampahan’ny anjara volany io, araka ny fantatra. Ny ao Mahajanga kosa mbola miandry ny fivoahan’ny didim-pitsarana mamoaka izany.

Raha tsiahivina dia nisy ny fanampanantenana solosaina ho an’ny rehetra nataon’ny orinasa Jk group mba ahafahan’ny olona fa indrindra ny mpianatra mampiasa ity solosaina ity amin’ny famandrihana ka nanomezana ampahan’ny vola sady aloa tsikelikely ao anatin’ny telo taona.

Laurena Nany