Saika atao inona ? Taolam-paty tapa-gony no hitan’ny mpianatra vao maraina be tany Maninday Toliara. Raha ny fanazavana azo dia nisy nametraka teo akaikin’ny trano fonenan’ny mpianatry ny oniversite « bloc Palestine » ireto taolam-paty ireto. Taitra ny andiana mpianatra nahita gony hafahafa teo an-tokontany ka rehefa nosavaina ny tao anatiny dia taolam-paty. Nampandre haingana ny fokontany izy ireo ary ireto farany kosa niantso ny mpitandro filaminana. Raha ny loharanom-baovao akaiky ny mpitandro filaminana dia nisy nametraka teo alim-be ireto « saphir blanc ». Misokatra ny fanadihadiana. Tato ho ato manko raha ny vaovao samihafa voaray dia lasa fieren-jiolahy sy lapan’ny asa ratsy ny ao Maninday. Lasa ihany ny sain’ny mpanara-baovao dia ho sanatria ve misy amin’ireo mpianatra no mibizina taolam-paty manararaotra ny tsy fianarana amin’ny fitokonan’ireo mpampianatra mpikaroka avy ao amin’ny SECES izao?

 Eric Toliara