Tratra ny tovolahy vao 16 taona nampirafy ny sakaizany ka nahatonga azy hamono tena. Ny omaly maraina no nisehoan’izany tany Antanimasaja ao Mahajanga. Diso fanantenana tamin’ilay sakaizany dia naleon’ity tovolahy kely ity nihinana fanafody be dia be. Tsy vitan’izany fa mbola nandeha niroboka tao amin’ny ranomasina teny amin’ny “village touristique” ao an-toerana ihany koa izy. Mpianatra sendra mandalo amin’iny toerana iny no namonjy azy raha nahita azy efa tena reraka be mihitsy. Nentina haingana tany amin’ny hopitaly izy mba hanaraka fitsaboana sahaza azy. Efa ela izy roa ireo no nisy olana araka ny fantatra ary izao niafara tamin’ny fampirafesana izao. Tsy zakan’ilay tovolahy izany ka naleony namono tena. Tamin’ny fotoana nanoratana dia fantatra fa efa niverina ny ainy saingy tsy maintsy mbola arahi-maso akaiky ny fahasalamany.

Laurena Nany