Nanomboka ny tapaky ny volana mey 2015 hatramin’ny 16 jolay lasa teo dia mahatratra 15 ireo olona namoy ny ainy noho ny aretina tazomoka tao amin’ny kaominina Betsiaka ao Ambilobe.

Mandripaka ny tazomoka noho ny tsy fampiasan’ny olona any an-toerana ny lay misy ody moka sy ny tsy fanatonana toeram-pitsaboana ara-potoana. Zaza no tena betsaka maty sy ny reny mitondra vohoka, hoy i Dr Laurette, lehiben’ny hopitaly any an-toerana. Araka ny filazany dia misy tsara ny fanafody entina mitsabo ity aretina ity fa saingy tara ny marary vao manatona ny hopitaly ka lasa tsy miasa amin’ny vatan’ny olona ilay fanafody. Eo ihany koa ny hopitaly izay tsy hary fomba ka zarizary ny fitsaboana marary.

Ankoatra ny tazomoka anefa dia mamely any Betsika koa ny aretin-kibo sy ny aretim-pivalanana. Ny loto sy tsy fitandreman’ireo ray aman-dreniny ny fahadiovana eo amin’ny fikarakarana ny zanany no antony tena mahatonga izany.